KWADON DABI'AR DAN ADAM DA MABUDINTA

ABUL HASAN ANNADAWY

Auwal Muhammad Abdulkadir
aazarema@yahoo.com
25-8-07m / 11-8-1228

Manzon Allah tsira da amincin Allah su tabbata masa ba irin sauran masu gyaran da ke zuwa gidaje ta baya ko su sadado ta taga bane , masu yaki da wasu cututtukan zamantakewa da aibubbukan halaye kawai ba , sai ka samu daga cikinsu akwai masu sa’ar gusar da wasu a sassan wasu garuruwa na dan wani lokaci, wani ma ya mutu bai cimma burinsa ba.
To amma shi manzon Allah tsira da amincin Allah su tabbata yazo wa gidan gyara ta kofarsa , kuma ya sanya wa kwadon dabi’ar dan’adam mabudinta , wannan kwadon yana dawuyar sha’ani saboda bude shi ya gagari masu sauyi kafun manzanci dama duk wanda yai kokarin bude shi bayan shi ba tare da mabudinsa ba.
Ya kira jama’a zuwa ga imani da Allah shi kadai, da kin gumaka da bauta da kafircewa dagutu, don haka ya mike cikin jama’a yana cewa “ ya ku mutane ! Kuce ba abun bautawa da gaskiya sai Allah ku rabauta ( ku sami rabo) ‘’ ya kuma kira su zuwa ga imani da manzanci
da imani da lahira .
Mahatma ghandi na kasar hindu a rayuwarsa ta siyasa da gwagwarma ya takaita jagorancinsa da gwagwarmayar sa kan ka’idoji biyu ne .
Na farko: wanda shine takensa (ba muzgunawa ba kare kai) yayi kira zuwa ga wannan ka’ida a matsayin addini da falsafa cikin hudubobinsa da makalunsa da kuma jaridunsa. Ya karar da karfinsa kan haka , to da yake hanyar daya dauka ba hanya ce mai zurfi wajen sauyin zuciya ba bata yi wani tasirin azo agani wa mutanen hindu ba , don haka suka hure ta , suka kashe rabin miliyan na musulmi a East Punjab da Delhi a 1947 miladiya, daga karshe shi ghandin aka masa kisan gilla dukda daukaka shi da bauta masa da wasu suke yi.
Na biyu: shine shafe matsalar fifiko tsakanin kabila da kabila , wanda baiyi nasarar kirki ba, wannan yankakken dalili ne cewa manhajin annabawa shine ya mafi kyau wajen gyara da sauyi.
fassara daga littafin (( Rashin da duniya tayi samakon faduwar musulmai)) na malam Hasan Annadawi.